胡諾言同老婆陳琪去年10月追囝成功，生咗孻仔胡澔錕(Jayden)，o依家差唔多十個月大，乳名叫波仔。

今日喺Instagram貼片，留言：「同老竇唱隻歌好冇！胡小波。」片中見身穿小背心嘅胡仔，同囝囝玩，兼唱咗首阿仔歌，係咁講「胡小波…胡小波」，果然係孻仔孻心肝!!

胡仔接受傳媒訪問時，就話：「佢(阿仔)真係大咗好多，本來同家人去澳洲，不過要提早一個禮拜返嚟拍《特技人》，囡囡都喺外地，我返嚟都好，起碼可以望吓個仔，阿仔個樣大個咗好多，有啲老績。」佢讚阿仔好得人鍾意：「每次帶佢出街或者食早餐，好似微服出巡，深得老闆娘同侍應歡迎，會講『波仔』又嚟、『波爺』又嚟喇，好開心。」