谷草夜馬四班1200米一開二 老將「騰龍超影」置身弱組 注定歷史重演
騰龍超影蘇保羅
季中開始,跑馬地夜馬經常跑九場,好多時都係拆四班1200米,好處當然係畀馬主、馬房同騎師有多一個機會贏取頭馬獎金。
拆組亦會將實力馬分散到唔同組別,有時形勢都幾分明。
蘇保羅馬房「騰龍超影」上季就係受惠者,喺舊年6月10日嘅谷草夜馬,四班1200米由兩組拆成三組。
「騰龍超影」編入較弱嘅一組,仲抽到3檔,結果喺潘頓全程守到好位,輕鬆擊敗「陽明亮亮」同「幸運傳奇」贏馬。
如果「騰龍超影」編入另一組四班1200米,唔好講贏馬,就連跑入三甲都成問題。
因為嗰場頭馬係今屆打吡兼獅子山錦標雙料冠軍「達心星」,亞、季軍嘅「戰熊三千」同「多多寶驥」今季齊齊喺第四班贏馬,其後亦能夠喺三班賽入圍。
蘇保羅開始部署減分,大前仗剛好減夠分回師第四班即重配潘頓,可惜搏失屈局亞軍,馬兒被加1分。
練者再出同一招數,「騰龍超影」連輸兩場後,再被減去兩分至59分,又可以再跑四班賽。
這晚(2日)四班1200米由原本只得一組,但報名公佈前拆成兩組,「騰龍超影」避開咗「鼓浪順風」、「各取所需」等經常喺第三班跑得接近、正值壯年嘅惡馬。
如果呢匹九歲老馬硬撼呢兩駒,就未必有本錢突圍,但依家分咗兩組,分散咗強手。
「騰龍超影」喺第五場得佢同「駿爵士」季內曾喺第三班入圍,仲抽到有利嘅4檔,今次咁橋係6月首個賽馬日,「騰龍超影」配上潘頓會唔會歷史重演呢?
-----------------------------
借錢點先可以賺到盡?梗係要現金回贈越多越好啦!只要喺 2021年4月1日至2021年6月30日期間首次提取貸款,可即場獲獎賞現金高達港幣$5,000 ▲!
利用轉數快,足不出戶就完成手續,仲可以實現貸款瞬間過數^,星期日都照批★!。
推廣期由2021年4月1日至2021年6月30日 (包括首尾兩天)
須受條款及細則約束,詳情留意邦民日本財務(香港)網頁。