韓國女神全智賢今年2月榮升做靚媽，之後更極速修身接拍多個廣告，隨住其主演嘅新劇《藍海傳說》喺韓國熱播，女神再度榮登廣告天后。

MBC綜藝節目《Section TV演藝通信》今日播出最新一集，統計本周關鍵字嘅排名，而「全智賢」一詞就排第2名。據節目指出，女神今年已經接咗14個廣告，而每個廣告收入起碼10億韓圜以上，即係所以廣告收入高達140億韓圜(約9,277萬港元)，同時節目又指女神演出韓劇每集片酬高達1億韓圜(約66萬港元)，吸金力相當驚人。

另外，節目統計後嘅本周關鍵字排名依次為「朴信惠」、「全智賢」、「劉在錫」、「燭光集會」及「尹均相」。