當年今日
關於我們

【回憶錄寫咗十萬字…暫時】69歲宮雪花感觸:唔知有冇8年命

蘋果日報 2017/06/15 18:56

亞姐宮雪花回憶錄

宮雪花今日喺中環參與書法展覽活動,佢寫書法多年,都有作品展出,佢仲好有心,向在場記者派發作品,仲打趣謂將來自己過身之後,作品會值錢喎。
本身已係書法碩士生嘅花姨,想繼續升讀博士學位,佢話:「讀8年係一個問題,唔知有冇8年命。」佢又有打算為自己出回憶錄,暫時自己寫咗10萬字……10萬字都叫做「暫時」?
花姨話:「依家我寫到來香港選亞洲小姐,為人廣泛認識,都講下自己選咗亞洲小姐之後,愛情生活枯萎,冇男朋友,同埋講下選美內幕。」
講開選美內幕,嗰陣亞姐幾乎屆屆都傳要做「額外嘢」,仲要去飯局。嗰陣89年亞姐袁潔儀都話覺得有選美黑幕,仲話:「人之常情,倒不如話識到幕後操縱嘅人好彩囉。」
2O14亞姐競選爆冷,表現平平但是非多多嘅張軼珺拎冠軍,熱門唐淑薇同韓非兒大熱倒灶,韓翌日更即被亞視遣返遼寧。嗰陣傳過話係因為王征一早內定賽果,唔知呢啲花姨有冇興趣寫呢?
empty
宮雪花今日一身打扮,春情勃發。
empty
花姨想讀番個博士學位,但自覺年事已高,「讀8年係一個問題,唔知有冇8年命。」