昨日大年初一，黃澤鋒一家三口和堪輿家吳佩孚到西貢車公廟拜神轉好運，黃澤鋒去年做了老竇，太太陳麗麗以52歲高齡誕下女兒黃熙恩，由於武漢肺炎 疫情 嚴峻，黃澤鋒一家三口齊戴 口罩 拜車公。

黃澤鋒以短訊回覆《蘋果》表示：「其實每年新年都有拜車公，祈求闔家平安、身體健康、事業順利，而且都是老友敍舊拜神，很開心，但今年比較特別，因為多了一位新成員，所以特別有意義。」在大合照中見到他們都除了口罩，黃澤鋒解釋：「其實係有戴口罩，只不過入到廟，人數不是太多，才除口罩。」而他為家宅求得29中籤。

吳佩孚師傅接受電話訪問說：「我哋好多年一齊去拜神，今年多埋澤鋒嘅bb，佢哋求支籤家宅都好，而且話佢工作運多；我亦有同 香港 求籤，得到81上籤，籤意話一班上經赴考嘅讀書人，第日都會做到高官，呢班新高官對社會有貢獻，帶嚟新局面，預期香港可能有好多舊人落台，有新人上場。」至於肺炎疫情方面，吳師傅說：「香港比當年沙士好啲，不至於咁差，因為香港偏東南，反而澳門差啲，但澳門政府處理得好過香港，呢啲咪人禍囉。」