韓國男星孔劉今年認真大豐收，先拍了一齣熱爆嘅韓片《屍殺列車》，今個月又有人氣劇《鬼怪》熱播。

喺《鬼怪》中孔劉雖然飾演鬼怪，但事實上佢內心好溫暖，成日都照顧金高恩，噚晚一集仲講佢back hug金高恩0添，原來孔劉唔只喺鏡頭前咁暖心，喺鏡頭後佢都係一名暖男。

當中喺《鬼怪》中飾演女鬼嘅金素拉近日受訪時就激讚孔劉，金素拉喺劇中係飾演渴望復仇嘅女鬼，佢大讚劇中孔劉完全冇明星架子，又自爆：「有一次天氣好凍，佢主動畀暖爐我哋，真係好感動，深刻體會到前輩完美又令人尊敬嘅人品。」