馬德里體育會係周日嘅西甲就作客另一支勁旅西維爾，結果大勝對手5:2，基沙文仲大演帽子戲法，認真威威。

今場嘅戰況相當一面倒，上半場29分鐘迪亞高哥斯達就先為馬體會先開紀錄，加上完半場前基沙文嘅入球，客隊半場領先2:0。下半場基沙文再轟入兩球，加埋高基嘅入波已經贏到5:0，最後主隊只能靠沙拉比亞同蘭洛尼圖各入一球執返個尾彩。

施蒙尼賽後就大讚基沙文，話佢近況勢不可擋，仲話佢帶住全隊一齊成長咁話。相比起上星期有人問佢會唔會留費托，當時施蒙尼好冷淡咁回應話唔會，乜態度差咁遠嘅？