當年今日
關於我們

【三年情玩完】同「新五虎」何遠恒分手 李彩華:需要時間recover

蘋果日報 2018/03/01 12:51

李彩華分手何遠恒新五虎

現年34歲嘅李彩華(Rain)同「新五虎」之一嘅何遠恒拍拖三年(新聞連結: http://bit.ly/2oFANgQ ),經常甜到漏孖住出現,何遠恒知道Rain偶像係黎明,就算澳門都特登陪Rain去睇,經常被問婚期嘅Rain,去年話唔排除閃婚,更有指何遠恒已求婚成功,二人有可能兩年內拉埋天窗。
點知今日突然傳出「分」訊,今日有周刊報道指,Rain同何遠恒因為結婚一事冇共識,決定分開,二人已分手一個月,但Rain受訪時話唔想透露詳情,唔想互相傷害。
Rain現時身在大陸,今日回應《蘋果》話o依家心情冇乜嘢,佢哋兩個本來都想低調,只係估唔到傳開咗。問到有冇第三者介入?Rain話:「梗係冇第三者啦!」咁係咪因為結婚問題冇共識?男方唔想結婚?Rain依然口硬不肯多講:「真係冇乜特別回應喇!希望大家俾多啲空間我哋,因為大家都需要時間recover……!」不過Rain堅稱二人係和平分手,只係唔想交待咁多詳情,Rain又指真係冇乜嘢。
empty