當年今日
關於我們

【收視出爐】大台周日收視全跌俾亞視搶客?

蘋果日報 2015/08/03 06:00

蘋果亞視TVB收視即時大台

恭喜恭喜,亞視收視終於有「一點」起色啦!講緊嘅係噚日星期日亞視黃金檔節目,由《六點鐘新聞》開始,之前一個星期日平均收視只得兩點(約13萬觀眾),噚日就升咗一點,平均3點,o依之後嘅《解密百年香港》、《8花齊放動畫外判系列》、《童遊香港地》同《肥媽老友記》,之前一星期都係零收視,但噚日就全部升咗一點,有一點收視,多咗6萬4千幾觀眾捧場,雖然《寶島遊蹤》同《方伊琪上海之夜》呢兩個黃金檔節目嘅平均收視都係維持一點冇跌,但對亞視嚟講,全線有升冇跌,都已經好叻叻豬,算係「一點」安慰啦!

至於隔離台無綫翡翠台噚日星期日黃金檔節目就幾乎全線節目插水,無綫由6點財經節目開始跌一點,之後六點半新聞又跌一點、《街坊廚神舌戰新台韓》跌2點、《Sunday靚聲王》同《鬼同你OT》齊齊又跌一點,睇嚟真係比亞視搶走「一點」收視喎!