面對黃秋生、周潤發等四個前輩,憑《翠絲》角逐影帝的姜皓文(黑仔)成為今屆金像獎影帝的大冷門。黑仔早前接受《蘋果》專訪,坦言對手強勁:「全部讓我半條街都唔知得唔得,發哥喺度,畀着你夠唔夠膽去攞,會唔會手軟跌番落嚟。」四位對手都是影帝級人馬,但黑仔不認為是壞事:「我拍戲唔係為咗攞獎,我覺得成件事有型咗,可以躋身成班影帝中,我覺得唔係壞事。留畀鍾意睇我及電影嘅同業去揀,好多人睇戲有自己把尺,自己緊張唔嚟。」
黑仔去年憑《拆彈專家》獲最佳男配角,今年有望更上一層樓,黑仔說:「我覺得係一個新開始,對上一次攞咗男配角後,大家對我認同,我再去努力,提名係畀我衝擊,係人哋畀我認同,如果好彩畀我攞咗最佳男主角,我覺得係新嘅局面。」