豐盛金融資產管理董事黃國英指，市場見新興市場「跌死人」，加上交投弱沽貨無人接貨便跌得急，港股一旦下跌只會出現雪球式越跌越多，他相信恒指已見頂，未來有可能繼續兩極化，或全部股份「散哂」，他傾向相信前者，股份繼續個別發展，但氣氛不會回到20000點時般差，較可能會出現陰乾，因資金繼續外流，但冇主要負面新聞觸發大跌，「可能好似5月開始下跌嗰轉，日日跌啲，唔係好急」，但因之前帶動升幅的控（005）不及之前強，指數亦難看好。

他指出，個別股份會跌得勁，例如理文造紙（2314）等債重股，大環境疲弱，售價不能上升，加上二三線股成交弱，僅為炒一轉，之後會好危險。他現時會將股份分成好淡兩倉，仍強的股份例如科技、長和系、濠賭及友邦（1299）等，趁下跌便撈少少，另一方面則趁機沽國壽（2628）及江銅（358）等，不會太理會指數。

他又指A股算守得不錯，可能因為較早下跌，港股仍守得住21000點亦算很好，因很多新興市場彈唔起，印度股市連跌10日未升過。