【紅魔賀年】唔係流料 曼聯賀年龍波衫下月有售
蘋果日報 2019/12/19 15:40
曼聯農曆新年波衫
幾日前有報道指曼聯為咗慶祝中國農曆新年，將會推出特別版賀年球衣同相關產品，主菜曼聯賀年波衫，紅色戰衣加上龍圖案，引起唔少爭議，指設計都幾難受落，但可能對西方人嚟講，咁先夠中國味道。雖然官方出晒圖，有埋陣中球員拉舒福特同丹尼爾占士等着呢件波衫上身，但仍然有部份網民唔相信，話消息係流，冇可能出一件咁嘅波衫。會方好快就確實消息，喺曼聯官網網店，放晒一系列產品上架。
曼聯龍波衫，官網網店索價110美金（約858港元）。至於香港會唔會有得賣？據消息指，Adidas官方專賣店會有，預計月尾返貨到1月發售；至於其他波衫鋪，就未必會間間都入貨，始終都要考慮市場反應。
