【講緊呢條噴火龍】唔係齋講實力質素 體格夠壯先煞食！
蘋果日報 2019/08/15 16:05
霍利時噴火龍
本地賽馬競爭激烈，加上賽期頻密，馬匹除咗本身要有爭勝能力之外，擁有充足體能以及強健體格去應付頻密賽事亦非常重要，霍利時馬房嘅「噴火龍」就有齊以上條件。
「噴火龍」體重雖然只有1000磅左右，但就能夠應付頻密賽事，而且演出相當穩定，陣上短兵相接時亦甚少鬥輸比鄰近對手。
上季此駒共出賽12次，取得三冠一亞三季外，另有三次跑獲獎金名次，只有兩次於季初出戰1400米稍長路程才落第，但亦輸唔遠，充分展現忠心耐拼性格。
「噴火龍」父系「此情不再」自2010年起展開其配種生涯，至今子嗣平均質素雖未算頂級，但勝在早熟且能夠適應不同場地，在港較出色子嗣為「再石磨藍」及「小米周」，皆取得六場頭馬，分別於田草及谷草，而母系亦遺傳短途性能，但成熟後則可扳至一哩路程。
因此「噴火龍」初期主要在短途建功，但由於跑法較為被動，需要靠後上爭勝，而末段往往能交出一段強勁竄勁。
於是練馬師在季尾便開始替馬匹增程至1400米，最終在一場超快步速賽事後上取勝，征服三班，暑期總編班評71分尚可，此駒暫未曾於谷草作賽，但相信谷草定能適應，只要步速形勢配合，仍有望再交出頭馬。