黃榕（Gloria）及王璐瑤（LuLu）今日去到尖沙嘴為一間生活百貨擔任開幕嘉賓。黃榕例牌性感現身，趁新一年希望可以嘗試做生意，有考慮過將自己曾經著過一次嘅服裝放售，Gloria話：「平時好多着過一次嘅衫就唔着，泳衣都有大量，超過一百套，但係舖頭話我就算洗過啲泳衣都唔收貨，我唯有放棄。」Gloria表示曾有男fans要求購買佢著過嘅泳衣，希望可以收藏佢喺寫真入面，所有著過嘅泳衣，但Gloria又唔想親自交收，所以取消咗交易。

同場嘅王璐瑤就剛大學畢業，同時考得金融經紀牌照，LuLu話：「希望向金融方面發展，同時最近做網上生意，做咗幾個月有五位數字收入。」