【新增動新聞】

法甲周日尾場，巴黎聖日耳門（PSG）把握對手兩個烏龍，主場2:0擊敗里昂，取得開季6連勝；不過表面風光，球隊隱含內訌危機，80分鐘PSG有12碼，兩大前鋒尼馬同卡雲尼爭射，卡雲尼爭贏咗但係射失，唔知會唔會影響兩人關係。

法國傳媒賽前已經報導，尼馬想爭PSG第一12碼劊子手，希望可以爭取更多入球；不過今仗球隊安排未改變，80分鐘PSG有12碼，卡雲尼準備主射，尼馬上前講咗一輪，不過卡雲尼冇放棄照射可也，不過就射中楣唔入。PSG中場拉比奧特賽後就話，教練艾馬利仍然安排卡雲尼做首選12碼劊子手，決定冇改變過，以尼馬同卡雲尼友好關係，應該唔會影響兩人合作。