今日何傲兒BB現身開工，笑晒，完全唔似受情傷。佢就話係因為自己專業，工作時工作，唔會將個人感情、開心唔開心擺出嚟。

問到家人是否已知兩人分手？何傲兒話:「已經知道，大家都有共識。」又謂家人見到某啲報道都好嬲，好心痛:「點解……我自己都覺得自己做得唔啱。」

咁究竟嬲咩？是否因為傲兒BB公開同男友周子揚錫錫被拍到？傲兒就話:「作為一個藝人，過去一段日子，自己都有一個警覺，喺公眾場合應該要……言行舉止都有分寸，但係喺唔適當嘅場合同時間，自己冇去sayno，亦冇足夠經驗去處理，覺得自己做得非常之差囉。」之後傲兒再謂：「我真係接受唔到，我覺得自己真係做錯咗。」


之但係咁，情侶拍拖咀嘴有乜問題，點解會覺得唔適當呢？又唔係偷食斷正...