黎美言（Winkie）今日到旺角為好友袁晴晴（Coco）的台式飲品店擔任嘉賓，她謂雖然與Coco認識不久，但感受到對方的用心和熱誠：「我自己都係慢慢一步一步去做生意，今日其實喺拳館教緊拳，都要過嚟撐一撐佢。」

Winkie坦言做生意最重要是堅持：「中間一定有好多難關，所以唔好咁容易放棄，知道佢好努力去傾呢個飲品返嚟做。」至於她的拳館生意， Winkie透露計劃於5至8年內會在大陸開設50間分館：「已經有投資者，當然我自己都係投資者之一。其實大家見唔到我嗰陣，我都好努力學做企業、乜牌都考晒，嚟緊仲會同一間學校合作出教練牌，想培訓多啲助教。」

Winkie笑謂希望40歲可以退休：「自己而家31歲，都好想結婚生小朋友，所以要有多啲助教幫手。我同男朋友都好穩定，希望衝埋呢2、3年，就可以盡快結婚、盡快生。」

至於榮升老闆娘的Coco，透露與弟弟合資七位數字開店：「Winkie係我偶像，佢啲歌真係陪住我成長。我都好想好似佢咁，keep到咁靚又有另類形象，想同佢一樣做事業女性。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI