韓國女團Secret由「童顏巨乳」隊長全孝盛領軍，於2009年出道，不過現年26歲成員韓善花於去年9月宣佈退團，令組合捱唔過7年之癢，令粉絲大表可惜。韓善花退團後同時離開舊東家，簽約新公司展開演員之路，近日忙於拍攝新劇《學校2017》。

韓善花除忙拍新劇之外，早前亦有為雜誌《Woman Sense》影新相及受訪，當中佢就提到以女團成員身份出道嘅事：「以偶像身份活動期間，我唔係好識點樣以享受嘅心態去工作。雖然嗰段時間對我嚟講都係好寶貴嘅時間，但我覺得依家更加開心及幸福，因為可以展現我嘅另一面。」

韓善花又講到自己嘅性格：「其實最令我感到辛苦嘅係我自己嘅性格，雖然我外表看似活潑，但其實我係比較內向、好小心翼翼。我會諗好多嘢，做事前會好擔心。」