當年今日
關於我們

【全城禁聚】食肆今起可容納多於一半人數 黃店老闆嘆放寬毫無意義

蘋果日報 2020/04/24 19:32

基隆茶餐廳潮州人武漢肺炎黃店潮州人黃店基隆茶餐廳

本港武漢肺炎疫情緩和,但港府再度延長禁聚令及針對餐飲處所等相關法規至下月7日,惟今日(24日)起不再限制食肆只可容納牌照規定一半的顧客數目,但維持每枱距離最少1.5米或設隔板分隔、最多四人一枱、要求食客戴口罩等。有食肆老闆說,有關放寬對細舖頭來說毫無意義;亦有市民促港府取消限聚限座令。
太子「黃店」基隆茶餐廳老闆娘Cat說,生意沒有因撤銷限制食客人數而有所增加,其餐廳店面只有12張枱場地小,「唔覺得有幫助,因為仲要符合1.5米同唔可以多過4個人一枱呢啲」,她說,餐廳生意自疫情爆發已大跌4成,加上「限座令」,惟有見步行步,力谷外賣生意。她說,疫情放緩但市民未有鬆懈,仍有戴口罩和注重衞生,擔心政府會繼續延長禁令,目的是以免人群聚集示威。

另一太子「黃店」食肆潮州人,老闆Atta特意訂購多個易拉架,用作分隔食客的擋板,「都係為咗滿足政府要求,客人真係驚就唔會出街食啦」。他指,餐廳只得5張枱,「限座令」下最多招呼14名客人,較昔日少三成,店舖生意1月底疫情爆發後跌4成,「但呢段時間唔應該咁多人出街食嘢,我係理解」。

Atta續指,放寬「限座令」對大集團和大舖頭可能有幫助,但對他的小店卻毫無意義,「舖頭一眼睇晒,坐一半定坐滿都無乜影響」。他指,雖然疫情近日回落,但有機會出現假陰性和復發等個案,世界各地疫情持續,本港應繼續保持謹慎,「(政府話想謹慎)如果佢真係有呢個諗法,就應該一早封關。香港人本身有自覺,政府嘅措施只係杯水車薪,有幾多人真係因為個限聚令而唔出街、唔聚集?當香港人有公民意識,有幾多人仲會出街?」
食客劉女士說,近日外出進膳的次數增多,因看到確診個案均是海外輸入,沒有社區爆發,「唔驚,咁多日都無本地個案」,但強調沒有因此鬆懈,仍會戴口罩、避免聚會和做足防疫措施。對於當局放寬食肆客人人數,她指做法無意義,「好多餐廳都唔夠一半人,少咗人出嚟食飯」,認為疫情已緩和,政府應取消限聚令和限座令,「措施本身滯後,最多(確診個案)嘅時間你唔去做,到做時又過咗高峯期,無(確診個案)呢佢又繼續做」,批評政府延長禁令是想「卸膊」,「驚有嘢就要孭鑊。同埋政治原因,你睇7.21、8.31嗰啲示威幾多人,而家多條條例玩你,(上街)每人(票控)2,000先啦」。

食客張先生指,近日疫情回落,政府可放寬本地的禁令,例如放寬4人限聚令,「香港地要搵食,你樣樣掣肘得咁緊要,都要回應市民需要。疫情搞到好多人無工返,手停口停,你政府又唔幫到咁多,對嗰啲人好唔好公平」。他又指,港人均十分自律,防疫意識良好,「出街、返工一定戴口罩。邊度係政府做得好?不嬲都係靠香港人自制」。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架
-----------------------------
App內1-Click訂閱《蘋果動新聞》
按此了解更多