【新增動新聞】
多得「第一先生」林兆波不任公職，前特首夫人梁唐青儀獲邀續任女童軍總會會長，今日大家先有幸一睹梁太耍拳風采！

香港女童軍總會一年一度的「周年大會操暨頒獎禮2017」今日舉行，今年大會主題為「飛躍『武』動101，創造『妳』想世界」，以慶祝香港女童軍101周年，今年更加設創造健力士世界紀錄環節，以最多人一齊上武術課為目標，幾千個女童軍一齊耍拳，不過就算場面幾壯觀，都必須要有別具代表嘅人物出場點睛，會長梁唐青儀就真係當之無愧。

一年前，當時仲係特首嘅梁振英就曾經以香港童軍總領袖身份，著住童軍裝出席大會操，一幕心形敬禮操震撼全場；一年後嘅今日，梁太一身女童軍制服造型率領成千人耍拳，渾身是勁、剛柔並重，唔知兩位CY平時有冇過番兩招呢？