獨家上映丨區議員犯險扮演《夜更》司機 蔡志強：我哋虧欠咗年輕人！
蘋果日報 2020/12/03 00:11
「X！兜Ｘ咗成粒鐘，唔Ｘ使做啦！個Ｘ個去晒遊行？」渾然天成的橫飛粗口先聲奪人，蔡志強（阿一）飾演的《夜更》司機草根形象入骨，為這齣出爐金馬最佳劇情短片，添上不可或缺的喜感。更戲劇性的是，現實與戲中的他判若兩人，阿一平日一身西裝一副文質彬彬相，而他實情是東區翠德區議員。
蔡志強正職是東區區議員，偶爾也會揸的士收集民意。
一按即睇果燃電影丨《夜更》果燃台獨家上映
「可能我同普羅大眾對的士司機嘅認知有啲出入，所以導演都有設計到形象畀我。」訪問在阿一那狹小的議員辦事處進行，剪了一頭爽朗短髮的他，以黑西裝配sharp醒橙呔示人。公平說，筆者比他更像的士司機。
然而，阿一確實是一名的士司機，入行逾十年，去年當選區議員後，偶爾也會在自己環頭踩番兩轉——算是收集民意的另類方法。亦因為此，完全沒有拍戲經驗的阿一，在機緣下經另一區議員張正皓介紹，認識了《夜更》導演郭臻。「其實當初導演係嚟借車，後來問我有冇興趣拍。我覺得如果可以幫助到電影業，都可以幫手嘅。」
阿一平日開工也是西裝骨骨，跟一般市民對的士司機的既定形象很大出入。
導演郭臻原本想借阿一的的士拍攝，最後乾脆找他做主角，發現對方勁有演藝才華。
那會想到這輕輕的一句幫手，原來要在槍林彈雨中穿梭犯險？《夜更》裏有不少場景，正是於去年反送中運動的示威現場裏拍攝。儘管阿一在傘運時已「見慣大場面」，但當荷槍實彈的警方敲打其車窗，喝令他們停機時，難免也有點怯，「唔係驚佢濫捕我，反而係同導演一樣，驚會唔會話攞咗我哋嘅記憶卡，拍咗啲嘢會冇晒呢？」
望港豬覺醒
電影裏，「港豬」的士司機經過接載不同乘客和經歷的事情，心態上有了微妙變化，這些阿一都演繹得精準到位，沒有over。阿一說：「導演話其實一個人，好難喺一晚裏面突然間有咁強烈嘅轉變。如果係咁就太戲劇性。」然而，他覺得若然大眾看過電影，經反覆思考和沉澱，說不定能夠有些改變，「或者感受到其實係咪搵食就大晒？係咪就可以無視身邊發生嘅事？」
阿一在開拍前都有跟導演傾劇本，揣摩戲裏角色的心理變化。
「一哥」這稱號並非人人都配。阿一在柴灣居住了三十多年，多年來積極關心社區，自然受街坊歡迎，去年以「素人」身份出戰區議會選舉，一舉擊敗了紮根多年的李鎮強。「上年11月頭，喺柴灣都有好多示威事件，亦都有放催淚彈。居民開始對呢件事關注度高咗，更加踴躍出嚟投票，係我哋今屆贏到嘅主要原因。」
阿一在柴灣居住了三十多年，與街坊建立了深厚情誼。
阿一認為區議員仍有一定能力去跟建制派制衡，例如可審批他們申請舉辦宴會酒會的撥款。
去年反自動當選運動，驅使阿一參選區議員，結果一舉擊潰對手。
提到為何由揸的士到毅然從政，阿一則有這番見解：「如果我哋好似班年青人喺嗰個年紀嘅時候，已經咁關注社會，其實雙普選可能好早已經有。如果有雙普選，可能唔會有送中條例、唔會有國教事件，咁就唔需要年輕人出嚟做咁多嘢、冒咁大風險。我覺得係我哋虧欠咗年輕人 。」
這令筆者不禁想起《夜更》裏，的士司機心掛掛想將摺成心形的紙幣歸還給少女的一幕。但願為時未晚。
《夜更》現已在果燃台獨家上映，《蘋果》訂戶獨家尊享，萬勿錯過！
《夜更》有大量反送中𡭚威場面，阿一難忘被警方敲打車窗情景。
阿一稱導演特別為他設計了的士佬形象，跟他的理念、處事方式和衣着都大相逕庭。
果燃台 | 果迷專屬嘅影片世界
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！