現年38歲韓劇《芝加哥打字機》女星林秀晶，大前日身穿連身裙優雅現身品牌活動，而出名童顏嘅佢皮膚相當好，其護膚秘訣再度引起網民討論。

林秀晶之前曾於節目中透露自己堅持每日飲2公升水，麵粉類、碳酸飲品、快餐等食物、飲品一律可免則免，又指最重要係卸妝要夠乾乾淨淨：「同埋護膚步驟要每日都做，唔好嫌麻煩就唔做，就算花5分鐘敷面膜都好。」