當年今日
關於我們

青雲險被急流沖走

蘋果日報 2018/12/20 05:20

林峯劉青雲神探大戰急流

劉青雲、林峯、蔡卓妍(阿Sa)和導演韋家輝,昨日在灣仔出席電影《神探大戰》的煞科宴。青雲與韋家輝相隔十年再合作更有默契,青雲自嘲被虐狂,拍跳急流戲時很驚險:「佢知道我可以浸喺水幾耐、燒幾耐,爆炸要幾多秒走得甩。事前有武師示範,但有一下差啲沖咗出閘。」
青雲又大讚阿Sa演技:「最驚險係佢要揸快車,聽聞我係倖存者。」阿Sa亦認同拍到差點死:「有一幕我俾人用保鮮紙包住個頭,劇組本來篤咗兩個窿畀我唞氣,但導演話鏡頭睇到唔得,個shot拍咗一分鐘,拍完我想嘔。」林峯畏高,要頂硬上拍高空場面,又說:「我哋用嗰啲槍好似戰爭片咁,日日係咁爆。」
採訪︰盧妹
攝影:陳俊強
empty
林峯畏高,要頂硬上拍攝新片的高空場面。