《權力遊戲》第7季新預告曝光 三大家族準備開戰
權力遊戲Game of ThronesEmilia ClarkeDaenerys Targaryen
不過佢就只係望住個王位,冇坐到上去,唔知佢係咪冇心爭權?
龍母上一季與唔同家族結盟,坐船駛向Westeros,志在重奪位於King\'s Landing嘅鐵王座。
龍母似乎係去咗同King\'s Landing好近嘅Dragonstone。
呢個地方本來係屬於前統治者Targaryen家族,亦係登上鐵王座前留俾繼承人嘅位置。
Cersei登上King’s Landing嘅鐵王座後,呼出一口寒氣。
人氣劇集《權力遊戲》(Game of Thrones)第7季將會於今年7月播出,今日有全新預告片播出,揭示第7季爭奪權力嘅主要家族。片段中見到由Kit Harington扮演嘅Jon Snow、艾美莉克拉克(Emilia Clarke)扮演嘅龍母Daenerys Targaryen、Lena Headey扮演嘅Cersei於各自嘅地頭行上寶座。Jon Snow回到家族城堡Winterfell,上季成為北方嘅王者,不過佢就只係望住個王位,冇坐到上去,唔知佢係咪冇心爭權?
龍母上一季與唔同家族結盟,坐船駛向Westeros,志在重奪位於King's Landing嘅鐵王座,本來劇迷以為佢會直接去King's Landing發動攻擊,叫佢三隻龍火燒圍城。不過照佢坐上嘅寶座背景,似乎係去咗同King's Landing好近嘅Dragonstone。呢個地方本來係屬於前統治者Targaryen家族,亦係登上鐵王座前留俾繼承人嘅位置,睇嚟龍母Daenerys唔急於奪走Cersei嘅位置。值得留意嘅係,龍母咁耐以來首次穿上屬於佢家族顏色黑、紅嘅服裝。
Cersei登上King's Landing嘅鐵王座後,呼出一口寒氣,意味着寒冬快要來臨,而亡者大軍亦快要殺到。
預告連結:
https://www.youtube.com/watch?v=JxWfvtnHtS0
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。