托迪喺周日意甲淚別羅馬，不過佢話嗰場係最後一次著羅馬球衣比賽，冇話踢完就掛靴收山。據報托迪打算去美國延續足球生涯，加盟FC邁阿密。

FC邁阿密並唔係美職聯球隊，而係屬於次一級別嘅NASL聯賽。呢個球會係由前AC米蘭名將馬甸尼創立，目前由前意大利國家隊中堅尼斯達執教，咁多老友喺度，托迪過去肯定會更容易適應。