【李八方online】藍絲瘋傳「黃之峰」綠卡 網民嘲P圖屈收美國錢都咁hea
蘋果日報 2019/12/10 20:34
美國黃之鋒假新聞綠卡李八方ONLINE
底圖截自電影《頭文字D》
嗱嗱嗱，民主派勾結外國勢力，又有「證據」嘞。今日藍絲陣營圖文並茂咁瘋傳一張「黃之峰」嘅綠卡，然後留言批評黃之鋒收咗美國政府錢，搞亂香港，用張綠卡作為「黃之峰」移民美國的「鐵證」。相信藍絲們收到呢個po，一定覺得執到寶，又可以借詞指控民主派口裏說不，身體很誠實，但唔知點解幫阿爺做嘢嘅人，總係求其交貨唔達標？睇番張綠卡，破綻處處，難怪被人篤爆移民美國嘅「黃之鋒」，都好興奮咁喺自己fb貼上呢張獲贈嘅綠卡。
先睇呢張所謂綠卡，持有人係「黃之峰」而唔係「黃之鋒」，而個英文名，仲要係大陸拼音，難怪之鋒都自我介紹番，佢英文名串法係「Wong Chi Fung」，叫一眾五毛同小粉紅，多加注意。先唔講「Employment Authorities Card」係咪存在，八方強烈推介個生效日期，08/01/80係咩玩法？
有網民形容張卡係joke of the day，另有網民就好不滿：「五毛做假都咁Q HEA，好冇誠意。」