當年今日
關於我們

【轉會講場】借足4季放售打比郡 利物浦人球有得唞!

蘋果日報 2017/06/14 15:40

英冠打比郡韋斯頓法拿根馬田基利人球英國足球

利物浦條防線近年執完又執,始終難以同「穩陣」兩字扯上關係,其實佢哋近季湧現過唔少自家製守將,好似馬田基利、法拿根等,但成才速度比唔上預期,結果要離隊或者被外借鍛煉。跟上述兩位同期打上一隊、24歲嘅韋斯頓(Andre Wisdom)近4季更要度過人球生涯,接連被外借至打比郡、西布朗、諾域治甚至奧地利冠軍薩爾斯堡,結果又畀佢攞到聯賽冠軍。
慶幸韋斯頓終於有望安定下來,因為英國傳媒廣泛報道,喺2013/14球季借用過佢嘅打比郡已經同利物浦達成協議,將會以450萬鎊(約4,500萬港元)羅致,只要雙方傾妥個人條件就可以落實交易。