據知,肥媽噚日朝早約10點就入咗無綫位於將軍澳嘅電視廣播城,無綫即派出人事部高層招呼佢,因為陳志雲咁啱休假,所以就改派另一高層樂易玲招呼肥媽,仲安排專人帶佢四圍參觀。馮仁昭聽講肥媽嘅酬勞非常可觀,月薪近10萬,無綫仲專登裝修間靚房畀佢坐。
馮仁昭噚日即刻致電肥媽求證,佢話:「我帶個退休公務員朋友入去見工,頂替我個位啫,咁啱喺canteen撞到何麗全同樂小姐(樂易玲)咪坐低飲杯檸檬茶,估唔到大家咁敏感,搞到我以後都唔敢再入無綫㖭!」
問肥媽有冇要求無綫等佢同有線約滿先過檔?佢話:「仲有成年,你估我係老闆,我話晒事咩!」