韓國男團Highlight(前BEAST)五位成員尹斗俊、龍俊亨、梁耀燮、李起光及東雲下月29號舉行由天下一加秀娛樂主辦、喺亞博館Hall 10嘅巡迴演唱會「2017 Highlight Live Tour in Hong Kong」，香港門票就仲未公佈公開發售日期。

不過反而Highlight於9月16號喺新莊體育館舉行嘅台灣騷就於今日公開發售，而台灣主辦方「超級圓頂」就搞搞新意思，為了讓真正嘅粉絲搶得門票，於是就要購票嘅觀眾答問題過關先可以搶到門票，當中三條問題有可以成功購票，點知主辦方竟然將其中一條問題搞錯，明明粉絲要正確答出成員李起光嘅生日日期，點知最後真正嘅答案竟然係梁耀燮嘅生日，令到大部份答對嘅粉絲都唔能夠成功進入系統購票。

唔少未能購票嘅粉絲都即刻到主辦單位嘅Facebook留言，有最後成功進入系統購票嘅粉絲更發現逾八成門票已出售，由於真心購票而又原本答中問題嘅粉絲進入系統不果，但門票都依然出售，令唔少粉絲都留言質疑台灣主辦方「明益」黃牛黨，反而黃牛就買到門票，真正粉絲卻買唔到門票，又指主辦方浪費佢哋時間來搶票，有粉絲話0依家佢哋搶唔到飛就要

而主辦方亦有喺Facebook留言道歉：「Highlight演唱會門票今天11點在拓元售票系統開售，因題目排版問題造成答案誤植，工作人員發現該狀況已立即陸續將座位關閉販售。造成購票粉絲的不便，超級圓頂與拓元售票系統在此致上最深的歉意，感謝各位粉絲的支持與體諒。」