黃珍珍是香港最早開業的泰菜館之一，至今已有三十多年歷史，不過競爭激烈，也要有新意思，佐敦分店就新增午市半自助餐，星期一至五中午十二時至下午二時半，只需點任何主食，再加$28就可以享用自助餐吧，包括廿多款菜式，抵食！

哪款是最抵選擇？記者格價後，最平是素菠蘿炒飯只是$38，加$28再加一亦只是六十多，區內最抵。如果以味道排行，就推薦泰式豬手飯($48)，豬手滷得夠入味，而且肉質軟腍。黃咖喱牛腩飯($58)是最貴款式，咖喱帶甜味，牛腩啖啖肉。

雖然只需加$28，但自助餐相當認真。冬蔭功湯鮮酸開胃；小食類有泰式鳳爪、泰式雞翼、炒肉片、沙律、蝦餅、魚餅等。最驚喜是甜品也是任食，包括芒果糯米飯、紫米露、椰汁糕。平時叫一杯飲品都要$28，任食價包任飲泰式奶茶和青檸水。

如果想食自助餐吧以外的泰式小食，可加錢追加。生蝦刺身$48(四隻)，蝦肉新鮮爽口，追加分量剛好一人份。串燒沙嗲$24(2串)有豬牛雞肉選擇。餐廳位置就腳又闊落，加上自助餐價錢抵，值得一試。

記者：李詠儀
攝影：梁偉德

黃珍珍泰國菜館
地址：佐敦彌敦道219號莊士倫敦廣場3樓
電話：2721 0099
營業時間：星期一至日11am-12mn
詳情： http://bit.ly/2KGs1MK

-----------------------------
7月4日起 《蘋果動新聞》只限升級壹會員閱覽
繼續撐蘋果！