「靚媽」陳敏之早前拍攝保健產品廣告，敏之本身有一個2歲多的囝囝雷子樂，幸好她平時湊仔都親力親為，所以就算拍攝期間遇上小朋友扭計，對她來說「冇難度」。

敏之笑說：「同小朋友拍嘢最怕佢哋易肚仔餓同眼瞓，不過今次合作嘅小朋友Day Day已經好乖，佢好鍾意食嘢，我專登買咗好大袋零食，我出殺手鐧餵糖氹佢，又扮鬼臉氹佢開心。」敏之笑言氹小朋友比氹老公更高難度：「小朋友如果眼瞓肚餓，皇帝都冇面畀！反而氹我老公好簡單，基本上一齊食餐飯、睇場戲已經好開心，可能平時太忙，所以更珍惜拍拖時間。」

提到囝囝子樂，敏之表示他即將入學，現階段與老公學習調節，不會過份溺愛兒子：「可能我成日出咗去做嘢，覺得好內疚，返到屋企就要做慈母，乜都Say Yes，搞到有少少縱壞咗佢！」至於會否與囝囝一齊拍廣告，她說：「當然想喇，當係我哋兩母子留念，但係最怕佢一埋位就搞亂檔。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI