意甲球隊拿玻里周二將主場對皇家馬德里，進行歐聯16強次回合比賽。拿玻里首回合輸1:3，今仗至少贏2:0先有得晉級，球會亦都發晒功；好似波衫選擇方面，拿玻里就決定放棄淺藍色嘅主場波衫，改着白色為主嘅第二作客波衫，貪呢件波衫夠晒好運，今季着11場累積8勝2和1負。

因為撞色關係，令到皇馬着唔到傳統白色波衫，皇馬最終要改着黑灰色嘅第三作客波衫，睇吓呢次大迷信又幫唔幫到拿玻里晉級嘞。