當年今日
關於我們

特稿
o靚模跟職業模特兒 市場不同

蘋果日報 2009/07/05 00:00


要成為真正模特兒,除了要經過專業訓練,天賦條件也很關鍵。本港著名模特兒琦琦表示,一般女性職業模特兒的要求,身高最少達175厘米(約5呎9吋),而且身形要勻稱,例如腿不能太短或太粗,若達不到標準,根本不會有模特兒公司聘用。
上海出生的琦琦,在歐洲出道,行天橋多年。她說職業模特兒的要求很嚴格,接受的訓練也很專業,「要了解designer設計嘅衫,着上唔同design嘅衫要演繹出唔同風格。」臨場經驗尤其重要,而且要懂得應付壓力,「做真正大show,好多時冇得綵排,一到場化完妝就要行,唔能夠出錯。」
鄧達智指o靚模影響壞
琦琦指現時流行的o靚模跟傳統的模特兒其實是兩個市場,「佢哋太過少女,有啲身材又唔夠高,實着唔到Hermès、Chanel嘅衫。」
時裝設計師鄧達智曾跟不少模特兒合作,但從不聘用o靚模為他的時裝展演出,「咁細粒,都唔知搵啲乜嘢衫畀佢哋着。」他說本港模特兒一向予人專業形象,但近年被這班o靚模拉低,「影響好壞,唔係夠膽行出嚟就叫model。」他聘用的職業模特兒,每場演出最少2.5萬元,「但o靚模唔理出乜價都肯做。」本報記者