眾所周知，《文》、《大》、《商報》係香港左報三大龍頭。八方收到風，近期阿爺按辦報歷史重新「定性」，將排序改做《大》、《文》、《商》。《大公》最受重視，未來會專攻中產，計劃喺商業區同商廈免費派發；《文匯》轉攻基層，喺屋邨派。兩報高層要喺噚日之前交報告，講吓點樣使呢兩億元增強報紙影響力，例如喺乜嘢地點派、要增聘幾多人手等等。
西環都唔敢怠慢，發力幫左報向中資機構拉廣告。據聞華潤集團同兩報各簽咗500萬元廣告，份合約仲要喺中聯辦入面簽。八方噚日分別嘗試聯絡《大公》同《文匯》總編輯求證以上消息，兩位都未回覆。