有人說，孕婦嘅情緒起伏比較大，懷孕5個月嘅丁文琪，噚日去做產檢時，見到囝囝嘅嘅超聲波圖像時，佢又感動到流淚喇！

林宥嘉自1月公佈太太丁文琪有身孕嘅消息後，丁文琪不時都會喺fb度分享吓懷孕事，本月初佢就喺fb分享咗佢同老公感受到胎動嘅感覺，噚日佢去產檢時，從超聲波嘅影像入面，見到囝囝嘟嘴，當時丁文琪就拎轉頭同老公講「『好像你欸！』的同時，眼淚就從臉頰滑下來。」連丁文琪都話自己：「孕婦的賀爾蒙真不是蓋的」。

丁文琪喺fb分享話囝囝嘟嘴好似老公後，林宥嘉亦好醒目咁自製對照圖回應愛妻，圈起鼻子與嘴巴嘅部分，強調兒子這部分像自己。有網民見到都好驚訝咁留言：「「神複製～」、「是一種複製貼上的概念」、「基因好強大」，認為「那應該是花美男無誤」。

精選娛聞，喺晒《娛果》
http://fb.com/appledailyent