當年今日
關於我們

【中秋節照開】私房菜排到出年三月 李家鼎:人哋嚟捧場都要俾個交待

蘋果日報 2017/09/22 18:36

中秋節盧啟邦私房菜李家鼎

李家鼎今日尖沙嘴出席皇家加勒比國際遊輪記者會,佢即場示範咗一道「苦盡甘來」,呢道菜令佢諗起個孫:「甜到冇得形容,不過,10個月開佢波,因為佢蝦阿叔、爸爸、媽媽,o依家見到我定哂,成日嘴我,即刻暈哂,個孫係好百厭,但知道我係蝦唔到。」
中秋節,鼎爺繼續忙佢嘅私房菜,所以未必有時間一家人食飯:「問我唔敢答你,o依家私房菜,排到出年三月,好似噚日,本身做七味,點知要加餸,一點先收工,三點先瞓覺。」問佢係咪做到好攰,佢話:「唔係,係太太太太攰,冇辦法,人哋嚟捧場,都要俾個交待佢,盡量做到最好,大家有唔同要求。」講到之前盧啟邦踩佢煮嘅嘢食,佢話:「冇嘢,後生仔,飲多兩杯,我哋有合照。」
10月22日,鼎爺就會上船講一個TALK騷,問佢會唔會帶埋女友一齊去,順便到日本沖澠註冊結婚,佢話:「我冇女朋友,我得師奶一個,我又唔係日本人,我哋冇呢樣嘢,以前一杯水,一個面包,都浪漫,拍拖係年輕人嘅嘢,我o依家嘅愛情觀係感情同真性情。」
empty
(攝影:陳慧安)
empty
李家鼎今日尖沙嘴出席皇家加勒比國際遊輪記者會。
empty
佢即場示範咗一道「苦盡甘來」。
empty
empty
中秋節,鼎爺繼續忙佢嘅私房菜,所以未必有時間一家人食飯。
empty