占士洛迪古斯近日染咗頭金毛，影相擺上ig向球迷展示新髮型，但正喺俄羅斯踢緊洲際盃嘅皇家馬德里球星基斯坦奴朗拿度（C朗），就喺下面留言，就咁寫上一句西班牙文話：「髮型好肉酸。」

C朗嘅留言一出，即刻前所未有咁多網民喺占士ig留言，突破6000，有人讚C朗講得妙，亦有占士啲粉絲叫佢收聲，話佢妒忌占士染得靚。不過，占士就冇回應C朗個留言。

占士同C朗都傳今夏會落「艦」，唔知到時係兩個都見唔到，定係只得其中一個離開。