做得空中少爺都要有返咁上下樣貌同高度，之前網上已經瘋傳一組「宋仲基轉行做空少」嘅照片，一名年僅22歲嘅中國南方航空嘅空中少爺因為樣貌似足男神宋仲基，所以就不時被乘客偷影。

近日就輪到另一位空少被發現撞樣韓國男團EXO嘅燦烈，而呢位空少就來自泰國，根據網民資料所指呢位泰國空少Wongsathorn Varachartkul，佢右邊嘅側面最似燦烈，未知佢係唔係太似明星，所以據聞佢現時已轉行做模特兒。唔少網民睇完呢位泰國空少嘅照片後，都話佢嘅側面真係神似燦烈，有部份網民就話佢有啲似同樣來自泰國嘅2PM成員Nichkhun。

另外，燦烈本身眼大大，係靚仔一名，而佢個主播索家姐朴宥拉日前就喺Instagram上載咗一張自拍照，點知燦烈就抵死話：「以為是我」，搞到家姐即冇佢咁好氣話：「是我」，兩姐弟嘅搞笑互動令粉絲捧腹大笑，而唔少粉絲都大讚呢對姐弟都擁有優良血統，同樣係靚仔靚女一名。