湯洛雯同倪晨曦今日「異父異母孖妹」檔，喺尖沙嘴The ONE出席「 新App‧VR大激戰」揭幕禮，活動中，佢哋除咗同粉絲玩遊戲外，仲大玩VR式瑜伽。倪晨曦媽媽亦有到場，合照時，湯洛雯笑指想認倪媽媽做契媽。佢哋指孖妹檔上陣，會越來越多合作，稍後會搵一位排舞師為佢哋排一段k-pop舞蹈。

湯洛雯表示想跟倪晨曦做瑜伽減肥：「佢50kg，我就唔好提，我要瘦10磅，做瑜伽可唔可以有啲地方應有則有。」倪晨曦即刻笑住話：「有啲難度。」

提到湯洛雯同羅天宇已分手一段時間，但日前湯洛雯喺Ig以周杰倫歌曲歌詞「緣若盡了，就不該再重來」留言，係咪想憑歌寄意暗示難復合？湯洛雯解釋：「嗰晚好笑，我聽完首歌就upload歌詞，第二朝我個電話被人炸咗，大家已經有咗個故事，話佢想復合，其實真係冇咁嘅事，我0依家同佢仲係好好嘅朋友，噚晚樂小姐生日，我都見到佢，我都有同佢講番呢件事，我哋都唔會有芥蒂，反而我有啲唔好意思，因為啲歌詞係我upload，本身諗住好才女，但反而被人誤會。」

精選娛聞，喺晒《娛果》
http://fb.com/appledailyent