泳兒今天於新城宣傳新歌《明日花》，由於歌名跟日本著名AV女優明日花綺羅撞名，泳兒笑言當男同事聽後表示名字令人有聯想，他們更開會討論是否需要改名，泳兒說：「本身歌名係改咗明日花，但係啲男同事話畀我知個名係有多個意思，我哋真係開會傾過要唔要改，因為擔心當大家上網search嘅時候會見到其他嘢，而唔係我嘅《明日花》，後來覺得個名嘅意思係好淒美同有意思，所以冇改。但係呢幾日唱live唔記得歌詞，諗住上網search，即刻有少少後悔嘅，因為唔係咁易搵到我隻歌，一彈就彈咗好多資訊，不過係好笑嘅。 」

泳兒又透露6月將在東莞舉行音樂會，她說：「大家都有諗過個演唱會叫乜名，製作單位有提議叫明日花，但係如果影poster個名叫明日花，真係有啲搞笑嘅。」已經有兩年未舉行演唱會的泳兒坦言希望今年舉行巡迴演唱會，喜歡旅遊的她可以一邊演唱一邊到世界各地旅行拍特輯，一舉兩得，而她又謂最希望能一圓紅館夢，她說：「因為之前試過失聲，如果當時做都未必應付到，希望今年身體再強壯，而家開始做番瑜伽、運動同調理身體，為演唱會做準備，亦希望為紅館夢呢個目標進發。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV