寰亞傳媒集團與深圳廣播電影電視集團，今日喺金鐘萬豪酒店，簽訂策略合作協議，加強雙方喺電影、電視劇、演唱會、藝人資源等合作。出席藝人包括任賢齊、黃家強、蘇永康、梁漢文、熊黛林、林德信、廖碧兒、CAllstar及湯加文等。

寰亞傳媒集團主席林建岳博士，與深圳廣電集團岳川江總裁均喺發佈會上致詞，寰亞傳媒同深圳廣電簽署策略合作協議，雙方每年合作1至2部電影、3年製作600集情景劇為目標、每年合作製作2齣劇、每年在深圳合辦演唱會及合作經營影院。合共600集嘅情境劇《飲食男女》首季200集正進行拍攝，預計下月於全國30個城巿播放，電視劇《致單身男女》亦於明年首季在深圳衛視播放。同時相方已合作拍攝電影《三人行》及《倫敦陷落》。

有報道指熊黛林嘅經理人公司被寰亞收購，林建岳表示容後再公佈，Lynn回應:「有聽過同林生合作，未知咩形式。」Lynn表示，早前拍一部動作片整傷腳，男友表現心痛，Lynn說:「我拍戲整親佢係好擔心，見我未埋口仲有血，自己都嚇親。」

廖碧兒都加入咗Kim旗下，同熊黛林做同事，喺法國波爾多擁有酒莊業務嘅廖碧兒，原先近日會飛往法國並途經巴黎工作，但係因為恐怖襲擊亦取消行程，碧兒話:「同我有合作嘅法國朋友個仔都喺事件嘅餐廳中去咗，我短期內都唔會過去，雖然未來兩個禮拜有拍賣，但係剛又收到消息，法航兩部機受恐襲恐嚇，呢幾個月都唔會去。」