當年今日
關於我們

【要事業同姻緣】玲玲師傅話着少啲衫會好運啲? 張曦雯:我平時都唔係唔性感吖

蘋果日報 2018/02/07 16:38

玲玲師傅張曦雯

張曦雯今日在上環信德中心出席賀新春活動,親手寫揮春,並獲堪輿學家麥玲玲指點迷津。
張曦雯好貪心話來年事業姻緣都想要。玲玲師傅竟然話:「來年要性感著少啲衫會好啲,健康性感啦,行大名氣運,感情方面好多選擇,旺桃花,冇咁快穩定下來。揀男友命中男人都會係黑黑實實,好多選擇,唔使急,慢慢嚟。另一方面雖然行名氣運,但唔算多是非,最好就買紅底過年搶旺。」
張曦雯話:「好開心有名氣,嚟緊會開拍第三套劇集,對自己嚟講係新挑戰。」係咪會繼續性感助名氣?張曦雯話:「我聽到覺得好搞笑,會做番平時咁樣,我平時都唔係唔性感吖,正常囉,不過就真係會去多啲沙灘,兌現玲玲師傅講嘅嘢。」
至於現實中係咪真係咁多對象選擇?佢話:「唔係,未搵到,但冇人追就會唔開心。」黑黑實實男士追求特別多?張曦雯話:「我冇特別鍾意黑黑實實,但係都鐘意運動型男士,今年會聽玲玲姐講去買紅底過年,要加強佢,全年著住。」

最港電影大獎投票網址
http://bit.ly/thekongestfilmawards
更多韓流,喺晒《娛果》
http://fb.com/appledailyent