【碧咸都嚟幫襯】自嘲有過度活躍症 潘世亨賣波鞋走到賣和牛拉麵
和牛拉麵潮人潘世亨
潘世亨(KP)做了16年潮人生意,由街頭波鞋,走到hi-lo時尚及文化範疇,到近年搞咖啡店、和牛拉麵店,甚至和牛廚師發辦的高級食肆等,拓展全面hip style品味生意,單計與陳冠希合資的潮店Juice,已在香港、台灣、北京、上海同成都,甚至最近在洛杉磯都有落戶,而咖啡店亦正擴展中,到年底將會有10間分店。
KP並不是富二代,20歲就放棄打工的念頭,走去創業做生意,相當有冒險精神,他笑言:「我細個父母好嚴,買架單車都鬧,咪發奮自己賺錢,細個做吓暑期工、Intern賺下錢,嗰時16歲,為咗獨立,好鍾意做生意,好鍾意諗嘢。」問到他生意的瓣數不斷有新元素,是否可反映他成長的蛻變,KP表示:「你睇LV都會同街牌crossover,Dior都會同Arts出啲產物,而家呢個世界lifestyle嘅嘢炒埋一碟,生活上面你需要fashion、需要飲嘢食嘢,又需要digital,成件事係一嚿嘢,所以都發生得好快,所以係好開心,我哋鍾意嘅嘢可能10年前係好小眾,而家係好主流嘅嘢,見到好蓬勃,係好開心。」在香港開店,不少人都慨嘆與地產商、業主打工,問到他會否感到困難挫折,他說:「你知做零售,你賺咗$10,你要拎$8去買貨,之後攞$6去買貨,其實都係好循環,要keep住做,未去到終點。你知香港地產無乜位,所以係貴,但如果你有concept,啲業主係有得傾,而家好多接受地產都係second generation,佢哋都好接受有concept想法,都辛苦,但有少少空間。」
KP大膽嘗試搞各類型生意,當然亦遇過失敗個案,如他曾在西九搞過BLOC音樂節就蝕錢收場,他表示:「自己好鍾意音樂、好鍾意Hip hop文化,好想帶動呢啲音樂文化,原來香港搞嘅音樂會、live係好難,總言之就蝕錢,係一個好好學習過程,如果有機會都想繼續搞,不過太辛苦。」,自言小時候有過度活躍症,故喜歡「做好多嘢」才滿足到自己,近年他就竟然去搞飲食,如與東京和牛專門店Wagyumafia及「和牛大王」濱田壽人(Hisato Hamada)合資,在灣仔開了一間日本和牛食肆,店內有一小角賣和牛拉麵,而另一邊就做私房菜,做廚師發辦的omakase高級餐廳,他表示:「好欣賞日本人做嘢精神,自己好鍾意食牛肉,就喺網上識了這間舖嘅日本老闆,佢好鍾意波鞋,又對潮流好有興趣,我就去日本拜訪佢。」這間和牛食店開業不夠一年,已有不少星級食客,碧咸、KAWS主腦Brian Donnelly、劉嘉玲、楊千嬅等。提到碧咸都來幫襯過他們的和牛拉麵,他表示:「我哋朋友圈帶佢嚟,以我所知佢都係食肉獸,佢而家成日去澳門、新加坡,嚟香港轉機同停留,都會拜訪我哋,好感激佢,佢通常食加大,兩碗都食得晒,可能英國無乜呢啲拉麵。」
------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片!下一個爆料王就係你
https://bit.ly/2Guolu9
位於銅鑼灣的Juice,是潘世亨與陳冠希合資的潮店。
KAWS主腦Brian Donnelly亦到過麵店打卡。
日本潮人Nigo去到他開的咖啡店幫襯。(網上圖片)
位於銅鑼灣的Juice主力賣波鞋、服飾及擺設潮物。