【曼谷爆炸】泰日交流活動AKB等延期演出
蘋果日報 2015/08/18 06:00
蘋果AKB48即時真野惠里菜電波組曼谷爆炸SuGJapanExpoThailand2015
AKB與電波組等偶像組合原定本月底到曼谷演出，但現決定延期。- AKB早前已公開海報，宣佈有12名成員到泰國演出「JapanExpoThailand2015」。
- 「JapanExpoThailand2015」主辦單位宣佈因安全理由活動延期。
- 曾來過香港演出嘅,電波組，亦原本會到曼谷出席活動。
- 少女偶像真野惠里菜亦取消演出。
繼昨晚曼谷市中心發生爆炸，造成20死過百人傷，死者包括兩名港人之後，今午曼谷再發生爆炸，雖然未有人受傷，但局勢似乎頗為動盪，眾多活動都受到影響，原定於本月底28至30日喺曼谷舉行嘅泰日交流活動「JapanExpoThailand2015」，主辦單位今日宣佈決定延期。
該活動邀請咗眾多日本藝人演出，包括人氣組合AKB48，佢哋原定派出小嶋真子、向井地美音等年輕成員出席，另外仲有同屬少女組合嘅電波組、樂隊SuG、女星真野惠里菜等，全部都會到當地演出，但係主辦單位今日宣佈：「由於考慮到當地狀況，活動將會延期舉行。」至於延期之後嘅日程，主辦單位話暫未決定：「等情況穩定之後，會喺網頁上面公佈。」
該活動邀請咗眾多日本藝人演出，包括人氣組合AKB48，佢哋原定派出小嶋真子、向井地美音等年輕成員出席，另外仲有同屬少女組合嘅電波組、樂隊SuG、女星真野惠里菜等，全部都會到當地演出，但係主辦單位今日宣佈：「由於考慮到當地狀況，活動將會延期舉行。」至於延期之後嘅日程，主辦單位話暫未決定：「等情況穩定之後，會喺網頁上面公佈。」