嚟緊禮拜三夜賽有兩樣嘢多，分別係新勝馬多及匆出馬多，分分鐘畀佢哋玩轉快活谷。
新勝馬早幾日提過有「金滙龍華」、「友瑩養」、「愛寶」、「精彩時機」、「路路發」等駒，到時邊隻贏邊隻就可以保持新馬季不敗，後駒更加可以取得跨季三連勝。匆出馬方面，「文武仔」、「秋月春風」、「悅欣賞」剛啱禮拜三晚至跑完，當然熟口熟面，另外有六匹匆出馬來自同一馬房，計落更加有睇頭。
呢六駒正正就係霍利時馬房今期全體正選馬，包括「聰明申報」、「帝國勇將」、「大地和平」、「搖錢樹」、「星星的您」及「怡德」，全部今季都已出賽一次，熱過身精神面貌點都會好啲。當中前四駒上仗均有獎金輸近，「大地和平」更係馬房呢次王牌馬之一，睇嚟霍利時禮拜三晚九成九會大搏殺。