【金鐘】憑電影《鋼琴戰曲》（The Pianist）奪奧斯卡影帝的艾德烈邦迪（Adrien Brody），出道以來鮮有緋聞，現年43歲的他仍是單身一族，不過，昨日記者卻直擊他在金鐘跟港女約會，而這位港女，正是曾跟曾蔭權細仔曾慶淳拍拖的邱德根孫女邱詠筠（Winnie）。
今次艾德烈來港主要是出席昨晚銅鑼灣餐廳開幕活動，不過昨日下午有讀者向本報報料，指艾德烈於下午4時半在金鐘The Upper House酒店的Cafe Gray密會邱詠筠。記者接報後趕到現場，果然見到艾德烈與Winnie撐枱腳！二人坐在窗邊位置high tea，邊欣賞海景邊傾偈，認真浪漫。

有傾有講一粒鐘

Winnie昨穿桃紅色旗袍加外套，明顯悉心打扮，而艾德烈就一身causal打扮，雖然艾德烈樣子看來有點疲倦，但仍不時跟Winnie有傾有講，傾了足足近一小時，Winnie便於下午5時半先行離開，而艾德烈逗留多10分鐘才返回酒店房間，二人雖然未有任何親熱舉動，亦未知二人約會究竟是為公事還是私事，但兩個單身男女撐枱腳，難免令人有所聯想。
艾德烈返回房間稍事休息後，於晚上再次出動，出席銅鑼灣SEAFOOD ROOM海鮮房餐廳開幕禮，他到場時向記者揮手打招呼，但未有接受訪問。昨晚樂基兒、Ana R.、馬詩慧與大女王曼喜、Jocelyn與丈夫、楊崢及混血女模陳瑞瑩等均有出席開幕禮。樂基兒近日推出泳照，莫非準備出寫真？她笑說：「唔係，只不過同一個泳衣品牌合作，幫手設計，本來唔想做埋model，但同呢間公司合作咗好耐，就冇所謂做埋囉！」她更自爆照片有做加工，但問何以不加大上圍時，她說：「泳衣其實已經有push up！」
採訪：楊浩賢、徐錦池、王連連
攝影：吳耀輝、陳慧安