韓國女子組合CrayonPop喺apm出席Fans握手會，不過佢哋遲咗35分鐘至到場，5個女仔到咗之後，又話要去廁所，搞搞下足足遲咗一個鐘至出場，咁冇時間觀念，真係難為啲Fans企到腳仔軟。CrayonPop唱咗兩首快歌，兼同fans玩遊戲。

呢對新組合噚晚都有出席MAMA個騷，但有Fans投訴話本來被安排同佢哋一齊上台表演，而且做晒綵排，但臨時又取消咗，原先應承話送飛入場睇騷做補償，但最後都係得個講字。問番CrayonPop呢件事，佢哋只係話舞台安全問題所以取消，但係其他投訴就冇解釋到。

另外，噚晚個騷仲有郭富城做表演嘉賓，好多韓星睇城城跳舞都睇到目瞪口呆，CrayonPop都話睇到好驚訝，讚郭富城唱歌跳舞都好出色。