當年今日
關於我們

鵬哥:思捷扮女人唔好笑

蘋果日報 2010/12/11 00:00


無綫福祿壽靠扮嘢入屋,身為扮嘢鼻祖的盧海鵬直言有留意三位後輩演出,日前鵬哥在上環綵排舞台劇《才子亂點俏佳人》時,對於福祿壽的扮嘢才能,他評價說:「佢哋都係扮女人啫,唔扮女人都冇乜嘢睇。我覺得李思捷扮女人太正經,其實咁就唔好笑,要扮到似嗰個人,不如搵嗰個人嚟做,唔使扮啦,呢方面祥仔比較好。」
李思捷在《荃加福祿壽玩轉台慶》中扮「的士佬」,令被模仿的陳偉霆感不悅,鵬哥卻反問:「邊個嚟o架?」當他得悉陳偉霆是蔡卓妍的男友時,才點頭表示略有印象。
勿人身攻擊
有藝人易嬲唔玩得,鵬哥說:「扮嘢呢,醜化就係要醜化o架啦,但唔好人身攻擊。以前我扮羅文,羅文夠講到要告咯,不過佢都知玩吓啫!」
採訪:夏琴