周四舉行嘅全運會游泳賽，「火雞姐」傅園慧夥拍史婧琳、朱夢惠、張雨霏組成「京蘇浙隊」，喺女子4x100米四式接力以3分55秒78奪冠，而「火雞姐」亦贏得全運會個人第三金。

火雞姐話呢個陣容係世錦賽嘅主力陣容，所以彼此之間默契十足，而火雞姐賽後又爆出金句：「我要多謝隊友。（我嘅）感冒非常嚴重，我係帶住必死嘅信念，遊到油盡燈枯喇！」當身邊嘅隊友都忍唔住笑時，火雞姐仲好認真咁話：「真心，筋疲力盡已經唔夠用嚟形容，呢個成語（油盡燈枯）用得唔錯！」