【性慾強愛艷星】 高畑裕太視為對象 橋本愛實劃清界線
蘋果日報 2016/08/26 20:19
高畑裕太高畑淳子清水富美加橋本愛實
橋本愛實同涉性侵嘅高畑裕太劃清界線。- 橋本愛實今日晒腰出席開球禮。
- 仲露臍益球迷。
- 高畑裕太
- 清水富美加對高畑裕太嘅熱情態度表示反感。
22歲日本男星高畑裕太爆出性侵醜聞，自認性慾強嘅佢於群馬縣前橋市強姦一名中年女性酒店員工，被捕後承認見到女事主控制不住慾望，事件連累其61歲資深演員母親高畑淳子要向外界道歉。
高畑裕太曾在節目上口不擇言，而且又多次疑向合作女星借機抽水，當中劇集拍檔土屋太鳳及清水富美加都懷疑先後中招，被人借工作理由奉旨鹹豬手，而清水富美加亦對高畑裕太嘅熱情態度感到吃不消，形容雙方並非情侶關係，高畑裕太也斗膽埋身感到十分吃驚。
高畑裕太早前亮相綜藝節目時連環向艷星橋本愛實同埋新劇拍檔澤尻英龍華公開示愛，兩位女星當時已毫不避面當場拒絕。對於涉性罪行嘅高畑裕太視為對象，橋本愛實今日先後喺節目同埋活動上作出回應，32歲嘅橋本愛實今日以露臍裝出席棒球賽事，佢形容高畑裕太嘅感覺只係個普通男仔，大家亦冇任何私下聯絡，明顯要劃清界線。至於高畑淳子，今早於記者會上被問到兒子惹來眾女星嫌惡，身為阿媽嘅高畑淳子表示：「佢呢啲類型好多人都唔會鍾意。」